Në mënyrë të beftë është ndarë nga jeta në orët e para të mëngjesit të sotëm Alketa Miraka, ose siç të gjithë e njihnin, Keti, punonjëse e Top Channel.
Prej më shumë se 20 vitesh ajo ishte pjesë e familjes së madhe të Top Channel dhe largimi i saj nga jeta në moshën 50-vjeçare la pas shumë dhimbje, tek familja, miqtë dhe kolegët.
Ledion Liço mbrëmjen e sotme në Big Brother Vip i ka shprehur publikisht në emër të Top Channel ngushëllimet e sinqerta familjarëve të saj dhe të gjithë atyre që e deshën fort.
“Një ngjarje na ka tronditur të gjithëve… Ne të Top Channel mësuam që një kolege e jona që prej vitesh kontribuon në Top Channel, Keti, ndërroi jetë. E di që në këto çaste është duke buzëqeshur me engjëjt, do doja që t’i shprehim ngushëllime familjes së saj. Buzëqeshje si të Ketit janë të rralla, lum ata sipër që po i shijojnë sonte”, tha ai.
Keti do t’i mungojë shumë jo vetëm familjes, por edhe kolegëve të saj që u dhuronte aq shumë dashuri!
Prehu në paqe e bukura Keti!
Discussion about this post