Polici që arrestoi djalin e Samir Manes ra nga lartësia, eksperti: Mund të ketë shkelur interesa personash…

Eksperti i sigurisë Fatjon Softa, për rënien e efektivit të Policisë Rrugore, Azbi Spahiu nga lartësia e pallatit 11 katësh thotë se çështja është nën hetim dhe se ngjarja mund të jetë aksidentale ose shtyrje në realizimin e vrasjes ndaj tij

Ai deklaroi se duhet parë nëse ka pasur kohët e fundit probleme të rënduara psikologjike, apo nëse për shkak të ushtrimit të detyrës mund të ketë shkelur pa dashje gjatë detyrës e tij, në interesa personash që mund të kenë marrë pjesë në këtë akt makabër.

“Agjencia e Mbikëqyrjes Policore ka rolin e saj në këtë ngjarje. Mund të jetë ose rënie aksidentale, ose hedhje e pavullnetshme, ose shtyrje për të realizuar vrasjen ndaj tij. Të gjitha janë për tu parë. Do të jetë dëshmia e policit që do të ketë rol, e dyta edhe zbërthimi i telefonit nëse ka pasur probleme, shqetësim dhe komunikime. Do të jetë detyra e ushtruar për të parë nëse ka pasur kohët e fundit probleme të rënduara psikologjike, të konsumimit lëndëve alkoolike. Apo ka qenë për shkak të ushtrimit të detyrën mund të ketë shkelur pa dashje gjatë detyrës e tij, në interesa personash që mund të kenë marrë pjesë në këtë akt makabër. Por të gjitha këto duhen parë me kujdes. Për fat efektivi është në gjendje të stabilizuar dhe dëshmia e tij pritet të hedhë dritë”, tha.

Duke folur për MCN Live, Softa shpjegoi edhe rolin e Agjencisë së Mbikëqyrjes Policore.

“Ka disa komisione për vlerësimin kalimtar dhe periodik të punonjësit të policisë, ku çdo punonjës deklarohet si për pasurinë, burimin e tyre dhe merren edhe me korrupsionin në radhët e saj. Është një agjenci që në raport me shërbimet e mëparshme është avancuar, i janë dhënë shumë të drejta, i janë ofruar teknologji si në shërbimet ambientale. Punonjësi i policisë nuk ka kontakt të drejtpërdrejtë me Agjencinë e Mbikëqyrjes Policore, kontaktet vijnë duke u thërritur dhe merren në pyetje. Nuk besoj se presioni është ligjor dhe tagrin e tyre. Përveç marrjes në pyetje kur ka një problem të caktuar, lidhet me procedurat që kryejnë për shërbimin e brendshëm”.

Ndër të tjera, Softa ngriti shqetësimin se efektivët kanë shumë ngarkesë dhe se kanë nevojë për tu trajtuar me psikologë.

Ai shtoi se një polic i cili ka halle dhe borxhe, nëse i shtohet edhe presioni për shkak të detyrës, mund të shkojë drejt akteve ekstreme.

Polici që ra nga lartësia, arrestoi djalin e oligarkut Samir Mane disa ditë më parë.