Ashtu siç e parashikon statuti, Partia Demokratike pritet që shumë shpejt të nisë Primaret për të përzgjedhur kandidatët për deputetët për zgjedhjet parlamentare të 11 Majit.
Ende nuk ka një datë konkrete se kur do të nisë, por jo të gjithë janë dakord me këtë proces, pasi ka nga ata që mendojnë se përçahet partia dhe do të shtojë pakënaqësitë.
Gjithsesi, Sali Berisha ka garantuar se Primaret do të do zhvillohen në zbatim të statutit të Partisë Demokratike.
Por, ende mbeten shumë pikëyetje, ku një prej tyre pështë se kush do të renditet në pjesën e sigurtë të listës së kandidatëve për deputetë.
Sipas Kodit Zgjedhor të miratuar me konsensus mes mazhorancës dhe opozitës, partitë këtë herë do të kenë mundësinë të rendisin 187 emra, nga të cilët 140 do jenë në listën e hapur dhe pjesa tjetër në listat e mbyllura në të 12 qarqet.
Burime pranë selisë blu bëjnë me dije se 13 drejtuesit politik, bashkë me kupolën drejtuese të partisë do të jenë pjesë e listave të mbyllura të çdo qarku, duke mos sfiduar veten për vota preferenciale. Gjithsesi, për këtë pritet të ketë një vendim Kryesie.
Pikëpyetja tjetër ngelet dhe sa i përket aleatëve, më konkretisht nëse Partia Demokratike dhe Partia e Lirisë do të garojnë me një listë të përbashkët, sa kandidatë do të jenë të Ilir Metës dhe në ç’vend të listës do të renditen ata.
Discussion about this post