E ardhmja e Erling Haaland është ende në ajër. Me siguri ai do të jetë tema e nxehtë e merkatos së verës, por norvegjezi ka ndezur thashethemet që tani.
Haaland ka bërë një postim misterioz në llogarinë e tij në Instagram që ka bërë shumë njerëz të mendojnë. Në të ka dy imazhe të tij duke ngjitur disa shkallë, duke dalë nga tuneli i dhomës së zhveshjes dhe një mesazh enigmatik: “6 muajt e mi të ardhshëm … do të jenë 6 muajt e mi më të mirë”.
Sipas ‘Bild’, Borussia i ka përcjellë tashmë Haaland mesazhin që ai të vendosë sa më shpejt nëse do të ndryshojë ekip në fund të sezonit. Norvegjezi do të duhej të jepte një përgjigje para fundit të shkurtit… por gjithçka tregon se telenovela ka shumë muaj dhe shumë kapituj për të përfunduar.
Discussion about this post