Premier League/ Manchester United pëson humbjen e 10-të sezonale, Everton mposht Tottenham

në Sport

Kohë leximi: 1 min

Pas dy fitoreve dhe një barazimi, mes Kupës e kampionatit, Manchester United u rikthye te humbja në Premier League duke regjistruar disfatën e 10-të sezonale.

“Djajtë e Kuq” u mposhtën me rezultatin 3-1 në shtëpi nga Brighton. Pjesa e parë u mbyll në barazim, pasi miqtë shënuan të parët me Minteh në minutën e 5-të, ndërsa Bruno Fernandes barazoi në minutën e 23-të.

Në fraksionin e dytë, Brighton realizoi dy herë të tjera me Mitoma në minutën e 60-të dhe Rutter në minutën e 76-të.

Kjo humbje e lë Manchester United në vendin e 13-të me 26 pikë, ndërsa Brighton ngjitet i nënti me 34 pikë.

Fitore të madhe regjistroi Everton, që mposhti 3-2 Tottenham-in. Ky triumf e ngjit Evertonin në vendin e 16-të me 20 pikë, 4 më pak se Tottenham i vendit të 15-të.

Nottingham nuk di të ndalet, pasi mposhti 3-2 Southampton në shtëpi. Sukses i rëndësishëm për vendasit, pasi ngjiten në kuotën e 44 pikëve, po aq sa Arsenali i vendit të dytë.