Kryepeshkopi i Kishës Ortodokse, Anastas Janullatos vijon të jetë në gjendje të rëndë shëndetësore. Edhe pse kanë kaluar 3 javë nga ndërhyrja e tij kirurgjikale, Kryepeshkopi nuk ka dhënë asnjë shenjë përmirësimi.
Mediat greke shkruajnë se prej ditësh mjekët në njësinë e kujdesit intensiv të spitalit “Ungjillëzimi” të Athinës kanë tentuar të marrin një reagim nga Kryepiskopi por ende nuk ka pasur asnjë shpresë për të tentuar për ta nxjerrë nga intubimi.
Kryepeshkopi ndodhet prej muajit dhjetor të vitit të kaluar i shtruar në spital, fillimisht në Tiranë për shkak të një viroze stine. më pas gjendja e tij u përkeqësua dhe u dërgua në Athinë më 3 janar.
Gjatë kësaj kohe në spitalin ku ndodhet Janullatos, kanë shkuar krerë të shtetit grek, por edhe drejtues të rëndësishëm të qeverisë dhe politikës shqiptare.
Discussion about this post