Banorët e Groenlandës nuk dëshirojnë të bashkohen me SHBA-në. Sipas një sondazhi të ri rreth 85% e tyre refuzojnë bashkimin me Uashingtonin.
Sondazhi nga i porositur nga gazeta daneze Berlingske, tregon se vetëm 6% e grenlandezëve janë në favor të bëhen pjesë e SHBA-së ndërsa 9% janë të pavendosur.
Presidenti amerikan Donald Trump tha në fillim të këtij muaji se Groenlanda ishte jetike për sigurinë e SHBA dhe Danimarka duhet të heqë dorë nga kontrolli i ishullit të rëndësishëm strategjik.
Kryeministri i Groenlandës Mute Egede ka thënë vazhdimisht se ishulli nuk është në shitje dhe se i takon popullit të tij të vendosë për të ardhmen e tyre.
Sondazhi është në favor të kryeministres daneze Mette Frederiksen, e cila në udhëtimin e saj në Berlin, Paris dhe Bruksel, i bëri thirrje Evropës të mbështesë Danimarkën pas dëshirës së shprehur të Trump për të marrë ishullin.
Discussion about this post