Shpërthim me eksploziv në një automjet në Shkodër

Një sasi eksplozivi ka shpërthyer në një automjet në qytetin e Shkodrës.

Ngjarja ka ndodhur në lagjen Rus në orët e para të së premtes.

Tritoli është vënë në automjetin e 37-vjeçarit Alban Bushati.

Ky i fundit ka deklaruar në polici se merret me tregtimin e fruta perimeve.

“Nuk e kam idenë se kush mund të jenë autorët”, ka deklaruar ai në polici.

“Në orët e para të mëngjesit, në lagjen ‘Partizani’, Shkodër, në automjetin e shtetasit A. B., 37 vjeç, i parkuar në rrugën ‘Martin Camaj’, është vendosur dyshohet lëndë plasëse tek goma e parë e automjetit, i cili është dëmtuar pjesërisht”-njofton policia.

Sipas burimeve, policia dyshon se më parë ky shtetas është marrë me baste sportive dhe ka dyshime se kjo ngjarje mund të lidhet me bastet.

Grupi hetimor nën drejtimin e Prokurorisë po kryen veprimet për sqarimin e rrethanave, identifikimin dhe kapjen e autorit/eve.