Policia e Tiranës ka vënë në pranga babain 74-vjeçar, shtetasin Hekuran Gjoni, i cili një ditë më parë vrau me thikë djalin e tij, shtetasin Asim Gjoni 37 vjeç.
Blutë e kryeqytetit thonë se babë e bir kanë pasur një konflikt të çastit për motive të dobëta. Kjo ka detyruar të moshuarin që të marrë thikën dhe të qëllojë të birin, i cili ndërroi jetë në spital.
Njoftimi i policise
Goditi me një mjet prerës djalin e tij i cili për pasojë humbi jetën, Policia ve në pranga autorin.
Sekuestrohet në cilësinë e provës materiale mjeti prerës.
Specialistët për Hetimin e Krimeve të Rënda në bashkëpunim me Komisariatin e Policisë Nr. 4 bënë arrestimin në flagrancë të shtetasit H. Gj., 74 vjeç, banues në Tiranë. Arrestimi i këtij shtetasi u bë pasi mbasditen e djeshme, gjatë një konflikti të çastit për motive të dobëta, ka goditur me mjet prerës djalin e tij shtetasin A. Gj., i cili si pasojë ka humbur jetën në spital.
Materialet i kaluan Prokurorisë, për veprime të mëtejshme procedurale, për veprën penale të “Vrasjes për shkak të marrëdhënieve familjare”, në ngarkim të shtetasit H. Gj.
Discussion about this post