Ish-drejtori i Bashkisë së Tiranës, Enton Punavija është paraqitur sërish në ambientet SPAK.
Ndaj ish-kreut të Drejtorisë e Transportit dhe Trafikut Rrugor është caktuar masa e sigurisë “detyrim paraqitje”, si i akuzuar i përfshirë në dosjen 5D.
SPAK mbylli hetimet ndaj të akuzuarve për dosjen 5 D më 24 Dhjetor dhe dërgoi dosjen për gjykim në GJKKO
Enton Punavija u akuzua për veprat penale “Shkelja e barazisë së pjesëmarrësve në tendera apo ankande publike”, të kryer në bashkëpunim dhe “Shkelja e barazisë së pjesëmarrësve në tendera apo ankande publike”, e kryer dy herë, e kryer në bashkëpunim.
Gjithashtu u dërguan për gjykim Redi Mollën, Mariglen Qaton dhe Taulant Tushën, Julian Zanaj, Albano Janku, Nestor Muhametllari.
ë një njoftim për mediat, SPAK sqaron se nga veprimet hetimore janë mbledhur provat dhe është provuar fakti se; i pandehuri Redi Molla në cilësinë e ish Drejtorit të Përgjithshëm të shoqërisë “Ujësjellës Kanalizime Tiranë” sh.a, si dhe i pandehuri Mariglen Qato në cilësinë e ish Drejtorit të Departamentit Mbështetës në shoqërinë “Ujësjellës Kanalizime Tiranë” sh.a dhe ish Kryeinspektorit të Inspektoriatit të Mbrojtjes së Territorit në Bashkinë Tiranë, kanë qënë pronarë “de facto” të shoqërisë “5D Konstruksion” sh.p.k.
Të pandehurit e kanë zotëruar këtë shoqëri tregtare në mënyrë indirekte, duke përdorur persona të tjerë, si ortakë fiktivë në aktet e rregjistrimit dhe funksionimit të shoqërisë, me të cilët ortakët e vërtetë të shoqërisë kanë pasur lidhje shoqërore dhe miqësore.
Po ashtu Gjykata ka vendosur sekuestrimin e pasurive të “5D Konstruksion” dhe të tjera me vlerë totale prej rreth 334 milionë lekësh. SPAK ka ngritur akuza për korrupsion, shkelje të barazisë në tendera dhe pastrim parash ndaj Redi Mollës, Mariglen Qatos, dhe disa personave të tjerë, si dhe ndaj vetë shoqërisë “5D Konstruksion”
Discussion about this post