Real Madridi ka hapur negociatat me Vinicius Junior për një kontratë të re, por oferta e tyre e parë është refuzuar nga lojtari dhe përfaqësuesit e tij.
Sulmuesi brazilian nënshkroi kontratën e fundit në vitin 2022 dhe skadon në 2027, ndërsa klauzola e tij e lirimit shkon në 1 miliardë euro.
24-vjeçari ishte lidhur me disa klube gjatë afatit kalimtar veror. Madje u raportua se përfaqësuesit e tij kishin mbajtur diskutime për një transferim të mundshëm në Superligën e Arabisë.
Pas kësaj oferte faraonike, “Los Blancos” shfaqën gatishmërinë për rinovimin e kontratës, por nga ana e lojtarit kanë preferuar që të presin që sezoni të kalojë dhe madje të përfundojë, para se të negociojnë.
Përfaqësuesit nga Arabia bën kontakte të reja me kampin e lojtarit gjatë muajit dhjetor ku shprehën vullneti e tyre për ta transferuar Viniciusin në Lindjen e Mesme në verë.
Vinicius Jr. dhe përfaqësuesit e tij po kërkojnë një rritje të kompensimit për të reflektuar pozicionin e tij si njëri prej lojtarëve më të mirë në botë. Aktualisht ai përfiton një pagë neto prej 15 milionë eurosh, pasi arriti disa bonuse të ndryshme përfshirë këtu edhe çmimin ‘FIFA The Best’.
Braziliani u transferua tek Real Madrid në vitin 2018 nga klubi brazilian Flamengo, për shumën e 45 milionë eurove.
Discussion about this post