Nga Letizia Tortello, LA STAMPA
Bota po ndryshon shpejt dhe kukullat e Soros si Edi Rama, anëtarët e korruptuar të lobit të tij, do të ‘fshihen’. Sali Berisha është në formë të shkëlqyer. Tetëdhjetë vjeç, ish-president (dhe kryeministër i parë) i Shqipërisë për pothuajse të gjitha viteve ’90. Në Itali e kujtojmë për paroditë në ‘Striscia la Notizia’ (Striscia la Berisha), por kardiologu, një lider këmbëngulës i opozitës shqiptare, është rikthyer në vendin e parë të pistës së politikës së vendit të tij, pas 11 muajsh arrest shtëpie, si pjesë e një hetimi për korrupsion të presupozuar.
Në Tiranë kryeministri Edi Rama ka vetëm një kundërshtar të dhe ai kundërshtar është pikërisht ai. Ai flet për veten në vetën e tretë (Sali Berisha), me zë më të gjallë se zakonisht. Ai do të kandidojë në zgjedhjet e 11 majit, në përpjekje që përmes PD t’i rrëmbejë fitoren kreut socialist, i cili kërkon të rizgjidhet për herë të katërt. Qendra e djathtë e Berishës është aleate me ‘Forza Italia’, sapo është ftuar në kongresin e CDU-së gjermane të Merz-it dhe është larguar si vëzhgues në EPP-në europiane. Rama dhe Berisha, armiq të përjetshëm bëjnë luftë me njëri – tjetrin përmes deklaratave dhe dosjeve helmuese. Tani hija e Trump duket mbi tokën e shqiponjave, si dhe mbi të gjithë Ballkanin Perëndimor. Dy pretendentët po përpiqen të fitojnë favorin e Uashingtonit. Por politikani i qendrës së djathtë është i bindur se ‘ka filluar të fryjë era kundër Ramës’.
Me presidentin e ri të SHBA-së, ekuilibrat rajonalë mund të pësojnë tronditje të dhunshme. Shenja e parë është zgjedhja e strategut të Berishës për fushatën elektorale: Chris LaCivita. Një republikan deri në palcë, MAGA është njeriu që e çoi Trumpin në triumf. ‘LaCivita më mbështet. Slogani është, sigurisht, Make Albania Great Again’.
Z. Berisha, kryeministrja Meloni dëshiron të transformojë qendrat shqiptare të emigrantëve në CPR, mund të përdorë një modifikim të marrëveshjes. Nëse fitoni në votime, a jeni gati?
‘Jo. Ne nuk do të ndryshojmë asgjë në këtë kontratë, por do ta respektojmë. Ne kundërshtuam qendrat e emigrantëve në Shqipëri, për arsye humanitare edhe e apeluam. Gjykata Kushtetuese shqiptare ka deklaruar se ato janë në përputhje me ligjet, ndaj nëse vijmë në pushtet nuk do të ndryshojmë asnjë presje dhe do të respektojmë marrëveshjen. Meloni gjithashtu arriti që emigrantët të mund të vëzhgohen edhe nga OKB-ja. Italia është një vend mik, ‘Forza Italia’ e qendrës së djathtë ka qenë gjithmonë aleate, kemi marrëdhënie edhe me ‘Fratelli d’Italia’ dhe Salvinin. Megjithatë, ajo që është e sigurt është se pasi të kalojnë 5 vitet, kontrata me Italinë nuk do të rinovohet’.
Por çfarë mendojnë realisht Rama për qendrat e emigrantëve, nisur nga dështimet që kanë pasur deri tani? A keni mundur ta kuptoni?
Kam dëgjuar thashetheme kontradiktore, në shumë versione. Nuk e di nëse ka ndonjë ndryshim në mendje me Melonin. Rama është i aftë për çdo gjë, për të patur apo blerë influencë, është një njeri pa parime, një kumbar i vërtetë. Por unë do t’ju them se qendra e Shëngjinit dhe e Gjaderit nuk janë debat i fushatës elektorale.
Ju po bëni deklarata shumë të forta për Ramën, a e kuptoni këtë?
Mund të shtoj edhe më keq, Shqipëria e Edi Ramës është një narko-shtet i vërtetë në zemër të Europës dhe ne do të bëjmë gjithçka për të hequr qafe këtë narko-diktaturë të një lloji El Chapo në zyrën e një kryeministri. Në këtë kontekst, unë mendoj se ne do të fitojmë, edhe pse ai tashmë ka filluar të mashtrojë.
Afirmimet tuaja janë për të bërë denoncim…
Ne i dimë shumë mirë se paratë e pakufizuara që Rama ka në dispozicion, vijnë nga kanale të errëta të nëndheshme. Ai jep leje ndërtimi dhe kontraktorët paguajnë shuma të mëdha. Korrupsioni është kombëtar dhe transnacional, ky është realiteti shqiptar. Sapo ka shpërthyer një skandal me arrestimin e njeriut të besuar të tij, Erion Veliajt, kryebashkiakut të Tiranës.
Njeriu që i ndryshoi fytyrën kryeqytetit, duke e bërë atë të ri dhe plot ngjyra, pas komunizmit? Veliaj ishte mik me shumë politikanë dhe administratorë të ministrisë europiane.
Ai sapo është arrestuar për korrupsion, pastrim parash dhe deklarim të detyruar të pasurisë. Velloja e mbrojtjes u gris pasi opozita protestoi për 44 javë para Bashkisë së Tiranës kundër këtij njeriu të pakontrolluar. Thuhet se Rama e sakrifikoi për të shpëtuar vëllain e tij.
Le të kthehemi te fushata elektorale dhe aleancat e Shqipërisë në botë. A është e vërtetë që Trumpiani i republikanëve, Chris LaCivita, është bërë strategu juaj?
Sigurisht, ai fluturoi drejt Shqipërisë dhe ne po organizohemi. Ai erdhi për të më ndihmuar të çmontoj këtë kopsht të George Sorosit, promovuesit të politikave që përçajnë shoqërinë si ato që mbrojnë se nuk ekzistojnë vetëm dy gjini, burri dhe gruaja. Soros është ‘kryekorruptuesi’, ai bleu politikanët në mbarë botën me armën e ekstremizmit të majtë, Rama është kukulla e tij dhe e djalit të tij Aleksit, i cili çdo dy-tre javë kalon disa ditë në vendin tim për arsye shumë të errëta.
Discussion about this post