Sali Berisha, në një komunikim me ndjekës në rrjetet sociale këtë të shtunë, ka komentuar edhe protestën pro Erion Veliajt te Gjykata, duke theksuar se kjo ka ndodhur vetëm në Kolumbinë e Escobar-it gjatë grushtit të shtetit.
“Ndodhi ajo që nuk ka ndodhur kurrë në 32 vite. Ka ndodhur vetëm në Kolumbi në vitet ’80, kur u sulmua gjykata në një grusht të mirëfilltë shteti. Pushtetet tek gjykata speciale u përleshën me njëri-tjetrin. Policia bashkia dhe policitë civile rrethuan gjykatën dhe makinat e gjykatësve, u rikthyen skenat e viteve ’80 të Eskobarit në Kolumbi, në të cilat u vranë gjykatës, u vranë prokurorë dhe u zhdukën pa nam dhe nishan”, tha Berisha.
“Të gjitha në sytë e shqiptarëve dhe të botës. Të gjitha këto janë dëshmi e asaj që rrokullisja e narkoshtetit po ndodh njëlloj si në filmin Narkos. Këto janë episode pas episodi të Narkosit. Ndaj të dashur qytetarë unë jam këtu para jush për t’u përgjigjur për të gjitha pyetjet dhe interesat që keni”, shtoi ai.
Discussion about this post