Janë zbardhur identitetet e viktimës dhe tre të plagosurve në aksidentin tragjik të regjistruar në orët e para të mëngjesit të kësaj të hëne, rreth orës 05:05, në autostradën “Tiranë-Durrës”.
Burime bëjnë me dije se viktima është shtetasi Gëzim Muçaj, rreth 28 vjeç, ndërsa të plagosur kanë mbetur shtetasit Eduart Ripa, Ervin Qira dhe Shkëlqim Doçi.
Viktima ishte shoferi, ndërsa tre të plagosurit ishin pasagjerë në automjetin që fillimisht u përplas me trafikndarësen, ku dyshohet se drejtuesi i mjetit kishte humbur komntrollin.
Ndërkohë, pas aksidentit ata kanë dalë nga automjeti dhe gjatë kohës që qëndronin në rrugë, janë përplasur nga automjeti me drejtues shtetasin Ismail Laçe.
Si pasojë e aksidentit të dytë, ka humbur jetën në vendin e ngjarjes 28-vjeçari Gëzim Muçaj, ndërsa 3 pasagjerët e automjetit të tij që mbetën të plagosur janë dërguar me urgjencë në spitalin e Traumës dhe ndodhen në gjendje të rëndë.
Viktima dhe tre të plagosurit ndodheshin në një furgon dhe po shkonin në punë.
Policia raportoi se shoferi Ismail Laçe është shoqëruar në Komisariat, për veprime të metejshme proceduarale. Grupi hetimor vijon punën për sqarimin e rrethanave të aksidentit.
Discussion about this post