Milan nuk shkon dot më shumë se barazimi 1-1 në “San Siro” ndaj Feyenoord, në ndeshjen e kthimit për play-off në Champions League.
Kuqezinjtë kishin humbur 1-0 në Rotterdam në ndeshjen e parë dhe sot iu bënte punë vetëm fitorja, por holandezët ia dolin të merrnin atë për çfarë kishin ardhur, barazimin.
Kuqezinjtë e kanë nisur në mënyrën më të mirë të mundshme takimin, duke gjetur golin që në minutën e parë me Santiago Gimenez. Meksikani dërgoi topin në rrjetë pas gjysmë goditjes dhe gjysmë pasimit të Thiaw, pas krosimit në zonë të Pulisic. SHIKO GOLIN
Gimenez nuk festoi për golin në shenjë respekti ndaj ish-klubit të tij. Më pas kuqezinjtë patën dhe disa raste të tjera, ku vlen për t’u përmendur shtylla e goditur nga Theo Hernandez në minutën e 23′. Pjesa e parë u mbyll me shifrat 1-0.
Milan e nisi humë keq pjesën e dytë. Kuqezinjtë mbetën me 10 lojtarë, pasi Theo Hernandez mori kartonin e dytë të verdhë. Francezi pretendoi për pengim nga kundërshtari brenda zonës, arbitri e ndëshkoi me të verdhë për simulim. Ky ishte i dyti i verdhë për Hernandez, francezi largohet nga loja duke lënë me një lojtar më pak kuqezinjtë. SHIKO VIDEO
Feyenoord barazon shifrat në minutën e 73. Julian Carranza dërgoi topin me kokë në rrjetë pas pasimit perfekt të Bueno. SHIKO GOLIN
Festë e madhe te holandezët, bie heshtja në “San Siro”. Milan provoi të gjente golin në minutat e mbetura, por më kot. Koha e rregullt mbyllet në shifrat 1-1. Milan e mbyll këtu aventurën në Champions League, Feyenoord kualifikohet në 16 më të mirat.
Discussion about this post