Një i ri është plagosur me armë zjarri në Kukës. I lënduari E.H., 29 vjeç, sipas bluve, është qëlluar nga një tjetër person për shkak të një konflikti “për motive të dobëta”.
29-vjeccari i plagosur është transportuar në spitalin rajonal dhe raportohet se ndodhet jashtë rrezikut për jetën, ndërsa autori është identifikuar dhe shpallur në kërkim.
“Rreth orës 14:20, në spitalin e Kukësit, është paraqitur shtetasi E. H., rreth 29 vjeç, banues në fshatin Bicaj, dyshohet i plagosur me armë zjarri, paraprakisht jashtë rrezikut për jetën. Nga veprimet e para hetimore dyshohet se ky shtetas është plagosur me armë zjarri gjatë një konflikti për motive të dobëta me një shtetas tjetër, i cili është identifikuar nga Policia, por gjeneralitetet e tij nuk bëhen me dije për momentin, për shkak të hetimit”, njoftoi policia.
Discussion about this post