Marrëdhënia mes Loredanës dhe Jozit ishte një nga temat më të diskutuara gjatë Prime-it të fundit në Big Brother VIP Albania 4.
Dyshja kanë shfaqur qëndrime të ndryshme lidhur me largimin dhe rikthimin e Jozit, duke sjellë një përplasje të fortë emocionale mes tyre.
Loredana u shpreh se pas largimit të Jozit, ajo është ndjerë më e lirë, më aktive dhe e pakomanduar, duke lënë të kuptohet se marrëdhënia e tyre kishte ndikuar në lojën e saj.
“Kur doli Jozi, kam qenë shumë keq emocionalisht. Por pasi pashë informacionin nga jashtë, sjellja ime ndryshoi. Pas kthimit të tij, ai nuk më ka kërkuar një përballje asnjëherë, nuk më ka kërkuar një sekondë. Unë po ha veten me dhëmbë çdo ditë, por po kërkoj të jem e fortë. Nuk dua të ulem më ndaj situatave me Jozin. Ai ka ardhur këtu për të më prishur lojën dhe për të më manipuluar,” tha ajo.
Nga ana tjetër, Jozi tregoi zhgënjimin e tij për faktin që Loredana nuk e kishte mbrojtur në debate me banorët e tjerë dhe madje, sipas tij, kishte bashkëpunuar me kundërshtarët e tij.
“Duke pasur parasysh si dola unë, duke i lënë shumë situata hapur për debat, prisja që Loredana të më mbronte dhe të mos binte në skemat e G Banit apo të Aldos. Nuk dua në asnjë moment të bëhem pengesë për lojën e saj, por e vetmja herë që ajo më ka mbrojtur ka qenë kur i erdhi babai në shtëpi. Në asnjë ditë tjetër nuk e ka bërë këtë,” tha ai.
Discussion about this post