Autorja e programit “Për’puthen” Olsa Muhameti është ngacmuar gjatë një interviste nga moderatorja Erjona Kazazi, lidhur me jetën e saj dashurore, si dhe të dy bashkëpunëtorëve të saj në emision, Bora dhe Arjan Konomi, të cilët po ashtu janë beqarë. Olsa është përgjigjur përmes batutave ku ka thënë se ky është një mallkim që ndjek ata që bëjnë këtë emision.
Erjona: Ka një kuriozitet të madh, keni përputhur dynjanë! Jeni të tre beqarë?! A do të kemi përputhje për ju të 3 këtë 2022?
Olsa: Kam përshtypjen Erjona se ky është mallkimi mund ta quaj, i të gjithë atyre që bëjnë “Për’puthen”. Nuk përputhen vetë derisa të përputhin gjithë dynjanë.
Eni Vasili: Epo derisa të rrini gjithë ditën te “Për’puthen” s’keni për tu përputhur.
Olsa më pas foli për momentet pikante të 2021-shit që sipas saj ishin dalja çift e Alvisës dhe Bashkimit dhe rikthimi i çiftit Andi dhe Melisa pas gjithë skandalit të po 2021 që erdhën për herë të parë si çift në “Për’puthen”.
Olsi foli për ndryshime të tjera që pritet të ndodhin gjatë vitit 2022 në “Pëpruthen”, ndërsa komentoi dhe hyrjen e fundit të konkurrentëve, të cilët janë mjaft të njohur për publikun nga edicioni i kaluar.
“U vunë re ndryshime që në fund të 2021. Kemi rikthimin e ish-përputhasve, i cili u prit po themi edhe me ovacione po edhe me pikëpyetje se pse duhet të riktheheshin. Jam kurioze të shoh se si do të funksionojnë Ana dhe Mevlani si konkurrent me të drejta të plota e se si do të shkojnë takimet. Meqenëse zonjat janë ato që e duan shumë “Për’puthen” shpresoj që me Mevlanin do kemi situata të reja dhe dashuri më shumë”,- tha Olsa.
Discussion about this post