Ndalo aty! Nuk iu bindën policisë, kapen me kokainë çifti në Kavajë

Policia e Kavajës ka arrestuar dy të rinj, pasi janë kapur duke drejtuar mjetin pa leje drejtimi si dhe nuk i janë bindur urdhrit të efektivit për të ndaluar.

Në pranga kanë rënë një 29 vjeçar dhe një 19 vjeçare, të cilët sipas bluve të Kavajës, rreth orës 02:40, nuk i janë bindur urdhrit të punonjësve të Policisë për të ndaluar dhe pasi janë larguar, dyshohet se personi i identifikuar me iniciale S. K., që drejtonte mjetin është shkëmbyer me pasagjeren E. Gj., duke deklaruar se e drejtonte ajo automjetin, ku nga verifikimet rezultoi se të dy nuk kishin leje drejtimi për automjetin.

Ndërkohë, gjatë kontrollit të mjetit, policia gjeti e sekuestroi dhe 6.5 gramë lëndë narkotike të dyshuar kokainë.