Vendimi/ Emërohet zëvendësministri i ri i Financave

Me vendim të Këshillit të Ministrave është emëruar Florian Semani zëvendësministër i Financave.

Sipas VKM-së, emërimi i Semanit është bërë në përputhje me nenet përkatëse të Kushtetutës dhe ligjit për organizimin dhe funksionimin e Këshillit të Ministrave, me propozimin e Kryeministrit.

“Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave vendosi: Florian Semani emërohet zëvendësministër i Financave. Ky vendim hyn në fuqi menjëherë dhe botohet në “Fletoren zyrtare””, thuhet në vendimin e qeverisë.

Me vendim të Këshillit të Ministrave gjithashtu është liruar nga detyra drejtor i Përgjithshëm i Shërbimit të Provës, Ermal Pacaj.

Ermal Pacaj mbante kete post prej 14 marsit 2024. Ndërsa më parë ka qenë edhe  Zëvendëskryetar i Bashkisë Lezhë prej 5-vitesh.