Brenda partive politike, situata është duke u ngarkuar, pasi deputetët aktualë dhe ata të rinj që synojnë të hyjnë në parlament do të mësojnë fatin e tyre për të qenë në listë të mërkurën në mbrëmje.
Takimet e kryeministrit Edi Rama me drejtuesit politik të Partisë Socialiste këtë të diel “kokë më kokë” nuk zbuluan detaje publike, duke lënë vend për diskutime dhe spekulime, që do të trajtohen nga Kryesia e PS-së, e cila do të mblidhet të mërkurën.
Megjithatë, Report TV ka mësuar disa informacione lidhur me emrat potenciale për çdo qark dhe ata që kanë më shumë mundësi për të marrë mbështetje nga Rama. Ende nuk është e qartë se kush do të jetë në listën e mbyllur dhe të sigurt, dhe kush do të pozicionohet në listën e hapur, për të përballuar gjithashtu garën e brendshme më 11 maj.
Në qarkun e Tiranës, ku janë të nevojshme 37 mandate deputetësh, pritet që Edi Rama të kandidojë personalisht, bashkë me një numër ministrash dhe kryetaren e Parlamentit. Megjithatë, po ashtu bie në sy kandidimi i të rinjve si Helena Kaçe dhe Zerina Bruci, koordinatore për diasporën.
Në qarkun e Fierit, pritet që Belinda Balluku të kandidojë si deputetja e vetme aktuale, Antoneta Dhima, ndërsa pjesa tjetër e listës përbëhet nga zëvendësministra dhe drejtorë të ministres së saj.
Në Korçë, Niko Peleshi parashikohet të bëjë vetëm pak ndryshime, por gjithsesi duke përfshirë edhe ai në listë emra të rinj, të politikës lokale.
Shkodra e drejtuar nga Benet Beci, pritet t’i rezervojë një vend Agron Çelës, i cili braktisi LSI-në, për PS-në. Por kësaj radhe, pritet që ai të kandidojë të bijën. Oferta paraprake e Shkodrës përbëhet nga njerëz lokalë, prefektja apo nënkryetari i Bashkisë.
Në Vlorë, Bledar Çuçi forcon radhët me 2 ministra në listë, si dhe me kujdesin për të pasur përfaqësim të komunitetit greke dhe çam.
Në Lezhë, Ulsi Manja pritet të jetë në listë të mbyllur bashkë me Ermal Pacajn, ndërsa lista e hapur do të përfaqësojë Mirditën, Lezhën e Kurbinin.
Në Elbasan, drejtuesi politik Arbian Mazniku rinovon 2 ose 3 mandate aktuale, si Evis Kushi apo Saimir Hasalla, si dhe pritet për tu parë nëse Taulant Balla do të jetë në Tiranë apo në qarkun e tij të origjinës.
Lista e qarkut Durrës ngelet më e paqarta deri më tani, me pak emra të diskutuar, dhe me pritshmëri të larta për të rikandiduar vetëm Klodiana Spahiun dhe Milva Ekonomin.
Mundësitë e PS në Kukës, rrotullohen vetëm rreth Eduard Shalsit, i cili gjithsesi do të kandidojë edhe 3 emra të tjerë.
Në Dibër, Bledi Klosi pritet të fusë në garë edhe Agron Malajn, kryebashkiakun aktual të Matit.
E njëjta tezë diskutohet edhe për Ervin Demon në Berat, i cili si kryetar bashkie, mban edhe peshën e shefit politik të qarkut.
Edhe në Gjirokastër, Mirela Kumbaro planifikon të kandidojë një kryetar bashkie për të forcuar radhët e parlamentit. Tërmet Peçi është përfshirë në testimet paraprake si kandidat për deputet.
Këto emra në dosjet e krerëve politikë të qarqeve, mund të pësojnë ndryshime prej Edi Ramës, i cili, gjithsesi mund të plotësojë nevoja më të gjera të partisë e po ashtu pritet të ketë as nën mëngë për emra surprizues apo sugjerime që mund t’i vijnë në kanale të tjera, përveç politikës lokale.
Discussion about this post