Gjykata e Apelit ka lënë në fuqi dënimin me 18 vite burg për Arjan Tasen, polici që përplasi për vdekje 7-vjeçaren Jonada Avadiaj me skaf.
Ky vendim erdhi pas apelimit të Tases, i cili kërkonte uljen e dënimit të dhënë nga Gjykata e Shkallës së Parë në Vlorë.
Megjithatë, apeli e hodhi poshtë kërkesën e tij dhe konfirmoi vendimin e mëparshëm, duke lënë Tasen të vuajë 18 vitet e dënimit.
Ky rast ka ngjallur reagime të shumta në opinionin publik.
Ngjarja e rëndë ndodhi më 2 gusht 2022 në Plazhin e Potamit në Himarë, ku 7- vjeçarja Jonada Avdiaj, u godit për vdekje nga një gomonia me drejtues policin Arjan Tase, teksa ajo po lahej në det.
E mitura u përplas fillimisht nga pjesa ballore e gomones dhe më pas trupi i saj është prerë nga helikat duke ndërruar jetë në vend.
Fëmija, me origjinë nga Tropoja jetonte jashtë shtetit me familjen e saj në Angli, por ishte kthyer në atdhe për pushime.
Tase ka qenë ish-shef i Policisë në Himarë, ndërsa kur ndodhi ngjarja ai mbante postin e shefit të Policimit në Elbasan, por Gledis Nano, asokohe drejtor i Përgjithshëm i Policisë së Shtetit, e përjashtoi përfundimisht nga policia.
Për këtë ngjarje është shkarkuar i gjithë zinxhiri drejtues i Policisë Kufitare të Vlorës, si edhe inspektorët përgjegjës.
Discussion about this post