Historia që po trajtohet sot në studion e emisionit “Me Zemër të Hapur” është shumë e rëndë. Bëhet fjalë për të ndjerën Hati Deliaj, e cila humbi jetën më 4 gusht të vitit 2024.
Nga akti i ekspertimit mjeko-ligjor ka rezultuar se: “Në trupin e kufomës së shtetases Hati Deliaj vërehen ekimoza dhe dëmtim të fytyrës, trupit dhe anësive. Këto dëmtime janë shkaktuar me mjet të fortë, jo të mprehtë. Këto dëmtime hyjnë në kategorinë e atyre që sjellin humbjen e aftësisë për punë në masën deri në 9 ditë. Vdekja e shtetases Hati Deliaj ka qenë ndalimi i menjëhershëm i punës së zemrës (infarkt akut miokardi).”
Nga ana e ekspertëve nuk është përcaktuar nëse ndalimi i menjëhershëm i punës së zemrës (infarkti akut i miokardit) ka ardhur si pasojë e dhunës së ushtruar apo për shkaqe natyrore. Përcaktimi i këtij shkaku është shumë i rëndësishëm për përcaktimin e elementëve të veprës penale për të cilën dyshohet personi nën hetim, Engjëllush Deliaj.
Familjarët e viktimës kërkojnë drejtësi, pasi autori i dyshuar i kësaj ngjarjeje është liruar me arrest shtëpie.
Në studion e emisionit është vëllai i Hati Deliajt, Gjergj Hasani i cili ka rrëfyer kronologjinë se si ka ndodhur ngjarja.
Discussion about this post