Deputeti i Partisë Demokratike, Kreshnik Çollaku përmes një statusi në rrjetin social Facebook, u bënë thirrje të gjithë demokratëve të jenë të bashkuar dhe të bashkëpunojnë edhe kur mendimi brenda tyre është ndryshe. Çollaku shkruan se nuk do të lejojë asnjë demokrat apo grup individësh të kryejnë akte dhune duke shtuar se asnjë demokrat nuk meriton të dhunohet qoftë me fjalë apo me akte.
“Si një ish student dhjetori, si anëtar dhe deputet i PD në Parlamentin e Shqipërisë Deklaroj se do të refuzoj, çdo individ apo grup individësh që nxit apo ushtron dhune ndaj dhe një demokrati të vetëm.
Ne kemi çdo mundësi të bashkëjetojmë edhe përmes mendimeve të ndryshme, ne kemi çdo mundësi që çdo mosmarrëveshje ta zgjidhim në mënyrë të qytetëruar, asnjë demokrat nuk meriton të dhunohet as me fjalë e as me akte” – shkruan Çollaku.
Më tej ai e konsideron të turpshme klimën e dhunës së krijuar mes njëri-tjetrit, brenda të të njëjtit kamp. Ai flet edhe për vajtën e kuqe mes demokratëve nëse do të ketë dhunë.
“Kjo klimë dhune ndaj njeri tjetrit është e turpshme. Kërcënimet për dhunime të selisë nga ish përdorues të pak javëve më parë të atyre zyrave është e Padinjitetshme. Kjo klimë mes demokratëve është një shërbim i pamerituar për pushtetin e Edi Ramës. Për sa më takon personalisht, përdorimi i dhunës verbale apo fizike dhe nxitja e saj karshi çdo demokrati do të jetë një vije e Kuqe ndarëse me këdo, qoftë veteran, qoftë i sapo zbritur në oborr të PD” – shkruan më tej Çollaku.
Kujtojmë se ish lideri i PD, Sali Berisha ka paralajmëruar protestë në datën 8 janar për largimin e Lulzim Bashës si kryetar të PD-së.
Discussion about this post