Zhulali: BE kërkon europianizim dhe jo ‘Ramëzim’ të Shqipërisë

Kandidatja e PD për deputete në Qarkun Tiranë, Ilda Zhulali, ka reaguar në lidhje me deklaratën e BE-së, e cila ka rrëzuar deklaratat e kryeministrit Edi Rama, duke theksuar se integrimi i Shqipërisë nuk varet nga fitorja e PS.

‘Sot, Bashkimi Europian na përcjell një mesazh të qartë: Mbështesim europianizimin e Shqipërisë dhe jo ‘Ramëzimin’ e saj!’, shkruan Zhulali në Facebook.

Duke radhitur shkeljet e rënda të qeverisë Rama në proceset e integrimit, Zhulali thekson se ‘Shqipërisë i duhen reforma të njëmendta që e çojnë drejt europianizimit, JO drejt ‘Ramëzimit’!

Postimi i plotë:

Sot, Bashkimi Europian na përcjell një mesazh të qartë: Mbështesim europianizimin e Shqipërisë dhe jo ‘Ramëzimin’ e saj!

Mos harroni se Shqipëria është i vetmi vend i rajonit për të cilin BE:

 Ka bllokuar fondet e bujqësisë për shkak të korrupsionit, dhe NUK do t’i zhbllokojë deri kur paratë të kthehen mbrapsht!

 Ka dhënë 2 paralajmërime për bllokimin e lëvizjes pa viza, për shkak të shkeljeve të përsëritura!

Shtyu negociatat për arsye se standardi i procesit zgjedhor është një test vendimtar për ecurinë e tyre!

Shqipërisë i duhen reforma të njëmendta që e çojnë drejt europianizimit, JO drejt ‘Ramëzimit’!