36-vjeçari i vjedh miliona lekë kushërirës, fut në aksion të dashurën

Një çift të rinjsh janë bërë pjesë e një vjedhje spektakolare, që është zbardhur nga Policia edhe pse ata nuk janë vënë ende në pranga.

Një 36-vjeçar, duke e ditur që kushërira e tij po udhëtonte me një valixhe me para dhe flori nga Peshkopia drejt Tiranës, ka organizuar vjedhjen duke futur në lojë dhe të dashurën e tij.

Policia ka shpallur në kërkim dy të rinj pasi dyshohet se i kanë vjedhur kushërirës valixhen, ku brenda së cilës gjendeshin 1.400.000 lekë të rinj, 2770 euro dhe bizhuteri floriri.

Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale, për veprën penale “Vjedhja”, kryer në bashkëpunim.