Besimtarët e krishterë po kremtojnë festën e Pshkës në të gjithë vendin. Gjithçka nisi një natë më parë, kur u mbajtën meshat në të gjitha kishat ortodokse dhe ato katolike, pasi këtë vit, këtë vit, Pashkët e të gjithë besimtarëve të krishterë, katolikë, ortodoksë apo edhe protestantë, përkuan në të njëjtën ditë. Sipas traditës, ndryshe nga besimtarët katolikë, besimtarët ortodoksë marrin dritën pas kremtimit dhe e çojnë atë në shtëpitë e tyre, si një simbol të ringjalljes dhe shpresës.
Në kryeqytet, meshat u mbajtën në Katedralen Katolike “Shën Pali” dhe në Katedralen Ortodokse “Ngjallja e Krishtit” në Tiranë. Në orën 22:00 nisi kremtimi në Katedralen Katolike “Shën Pali”, ku besimtarët u mblodhën për meshën e Pashkëve, festën më të madhe të kalendarit të krishterë që simbolizon ringjalljen e Jezus Krishtit. Një orë më vonë, në orën 23:00, kremtimi vazhdoi në Katedralen Ortodokse “Ngjallja e Krishtit” në qendër të Tiranës.
“Në këtë ditë të shenjtë, të gjithë jemi të ftuar të marrim pjesë në këtë gëzim. Kemi sigurinë se dashuria e Tij është më e fortë se urrejtja dhe se shpresa jonë në Krishtin është më e fortë se dëshpërimi. Ata që shpresojnë te Zoti do të ripërtërijnë forcën e tyre. Nëse do të ndizet drita e ngjalljes, edhe marrëdhëniet mes njerëzve do të ndriçohen. Sakrificat janë të domosdoshme për shërimin tonë shpirtëror.
Ndoshta sot më shumë se kurrë, bota jonë ka nevojë për mesazhin e Pashkës. Ngjallja e Krishtit na premton një të ardhme të ndryshme. Ai na ka bërë pjesëtarë të ngjalljes së Tij. Sakrifica, ashtu si bekimi, nuk janë të lehta, por janë të domosdoshme”, tha Kryepeshkopi Joan.
Pas meshës u zhvillua dhe ceremonia e thyerjes së vezëve të kuqe me urimin “Krishti u ngjall”. Festa është shpërndarë në të gjitha qytetat e Shqipërisë. Në vlorë, besimtarët iu drejtuan Kishës së Shën Theodhorit. Ceremonia e Pashkës në Berat u kremtua në Katedralen “Shën Dhimitri”. Vigjilja e Pashkës është kremtuar edhe në kishën katolike të shënjtërve “Pjetri e Pali” në Lushnjë.
Discussion about this post