Tjetër ndryshim në Bashkinë e Tiranës, Rama u vë “fshesën” besnikëve të Veliajt

Një tjetër lëvizje pritet të ndodhë në Bashkinë e Tiranës.

Referuar burimeve, Elona Lalaj Xhelilaj do të emërohet si drejtuese e Përgjithshme e Policisë Bashkiake, pas shkarkimit nga kjo detyrë e Toni Benit, ky i fundit një njeri i afërt i Erion Veliajt.

Me sa duket vijon largimi i njerëzve të Veliajt nga bashkia e kryeqytetit dhe emërimi i njerëzve të besuar të Ramës, kryetarit “de jure” të kësaj bashkie.

Ky emërim duket të jetë pjesë e “fshesës” për largimin e njerëzve të Veliajt në Bashkinë e Tiranës.

Në detyrën e shefit të Policisë Bashkiake ishte komanduar Toni Beni i cili u shkarkua një muaj më parë.

Pas përplasjeve për postin e nënkryetarit të Bashkisë ku Veliaj emëroi Sara Goxhajn të cilën Rama e shkarkoi duke emëruar të preferuarën e tij Anuela Ristani, tashmë dhe drejtuesi i ri i Policisë Bashkiake duket të jetë një preferencë e kryeministrit i cili “nga larg” po tërheq fijet e drejtimit të Bashkisë më të madhe në vend.