Mbrëmjen e sotme policia e Tiranës ka nisur kërkimin për një automjet dhe disa të rinj të cilët dyshohet se kanë dhunuar brutalisht dhe kanë marrë peng një të ri.
Ngjarja ka ndodhur pranë zonës së ish-Doganës, mbrapa rezidencës “Fole”.
Një qytetar ka denoncuar për JOQ se një grup prej rreth 10 deri në 15 djemsh kanë ushtruar dhunë fizike ndaj një të riu dhe më pas e kanë futur me forcë në një automjet.
“Përshëndetje, doja të raportoja një rast të sapondodhur te ish-Dogana. Nga distanca nuk e kam filmuar mirë, por pashë 10-15 djem që po rrihnin një djalë dhe më pas e futën me zor në makinë,” shkruan denoncuesi, duke shprehur shqetësim për atë që mund të jetë një rast rrëmbimi i mirëorganizuar.
Policia është vënë në lëvizje pas një telefonate të mbërritur në sallën operative.
Deri më tani nuk dihen identitetet e personave të përfshirë në këtë ngjarje si dhe shkaqet që çuan në këtë veprim të tyre.
Discussion about this post