Procesi i votimit të diasporës vijon, ndërsa deri sot ora (16:20) janë 193,823 zarfe të marra nga zgjedhësit të cilët janë regjistruar për të votuar me postë në zgjedhjet parlamentare të 11 Majit. Në total janë dërguar 245,935 zarfe.
Sipas shifrave të bëra publike nga Komisioni Qëndror i Zgjedhjeve, rreth 22% e zarfeve të fletëve të votimit të dërguara tek zgjedhësit që jetojnë jashtë territorit të Shqipërisë, tashmë janë kthyer në KQZ. Përkthyer në shifra, sipas të dhënave të KQZ-së janë 55 761 zarfeve të mbërritura në KQZ.
Zarfet me vota të ardhura deri më tani, janë më së shumti të qarqeve Durrës (11 457 zarfe) dhe Tiranë (10 521 zarfe). Votat kanë ardhur nga 64 vende të ndryshme të botës, ndërkohë që zarfet e dorëzuara në diasporë përfshijnë 85 shtete.
Diaspora që ka sjellë më shumë vota deri më tani, është ajo e Italisë, me 29 607 pako zgjedhore, e ndjekur nga Gjermania me 7 796 vota të sjella, Anglia me 4 321 zarfe, Amerika me 4 189 vota.
Greqia, për shkak të problemeve, deri më tani ka sjellë vetëm 3 834 vota, nga një total i pritshëm prej 68 mijë votash.
Zarfet kanë ardhur dhe nga vende të largëta si Australia, Singapori, Anguila, Panamaja, Vietnami, Afganistani, Tajlanda, Surinami, Koreja dhe Jordania.
Vota të mbërritura në KQZ, sipas qarqeve:
-Durrës 11,475
-Tiranë 10,521
-Elbasan 6,648
-Berat 4,501
-Fier 4,202
-Dibër 3,982
-Lezhë 3,794
-Korçë 2,987
-Shkodër 2,609
-Vlorë 2,425
-Gjirokastër 1,329
-Kukës 1,288
Discussion about this post