Banorët e Hotolishtit përplasen me policinë. Prej 4 muajsh ata protestojnë kundër autostradës “Elbasan-Qafë Thanë”, që u prish banesat e tyre.
Edhe sot banorët po protestojnë. Ata kanë vendosur dhe një arkivol për ti treguar qeverisë se nuk do të heqin dorë dhe do të mbrojnë shtëpitë e tyre deri dhe me jetë.
“Hotolishti është gati të përgjigjet, ose ne, ose ju”, shkruhet në një pankartë të vendosur pranë arkivolit.
Protesta është shoqëruar me tensione, ndërsa ka pasur edhe përplasje me policinë.
Banorët janë ulur në mes të rrugës, ndërsa pjesë e demonstratës janë bërë edhe fëmijët.
Ata kanë kërkuar takim me ministren Belinda Balluku, e cila pak ditë më parë kishte deklaruar se do të shkonte, por më pas e anuloi.
“Kemi kërkuar zgjidhje. Institucionet shqiptare vazhdojnë të heshtin, asnjë përgjigje, reflektim, asnjë dialog. Në mungesë të çdo reagimi, me protestën tonë, përmes një akti simbolik që është shtëpia jonë e fundit, arkivoli.
Shtëpia është baza jonë, nëse na shembet kryefamiljari gjendet në një rrezik ekstrem. Ky nuk është një projekt zhvillimi, por një sulm i drejtpërdrejt ndaj ekzistencës së një komunitet të tërë që do reagoj në mënyrë e tij.
Ne deklarojmë qartë, kushdo që synon të prek Hotolishtin, do për përballet me rezistencën e qytetarëve. Çdo ndërhyrje pa marrëveshje me banorët do të konsiderohet si një veprim që e shtyn situatën në një rrugë pa kthim.
Hotolishti ka burra e gra që nuk janë mësuar të përkulen dhe do t’ja dalin për zot vendit të tyre deri në fund. Pa dhunë, por me vendosmëri. Nuk duam përplasje, por zgjidhje demokratike, pa kosto sociale. Në duam vendin dhe jemi të gatshëm ta mbrojmë”, shprehet nje banor.
Banorja: Jemi këtu jo për t’i thënë jo zhvillimit, por për të kërkuar që ajo rrugë të mos kalojë mbi jetën tonë, shtëpitë tonë apo mbi varret e të parëve tanë. Me këtë Hotolishti nuk zhvillohet, 30 shtëpi, 30 familje, një fshat i tërë do të fshihet si të ishte i pavlerë. Dhe pse? Sepse shteti nuk ka lek për një tynel 300 metra të gjatë qe do shpëtonte fshatin.
Pyesim, a nuk kishte lekë Belinda Balluku kur firmoste për 10 mijë euro për të larë makinën e saj. A nuk kishte Lekë Edi Rama kur ndërtonte kopshtin Eden për 4.3 milion euro në kryeministri? A nuk kishte lekë kur dërgoi mr 6 milion euro satelitët në hapësirë, dha 130 milion euro për një inceneratorë që nuk ekziston… Lekë ka, por nuk ka ndërgjegje për të shpëtuar jetën tona. Po vendosin asfaltin para jetëve tona. Ne duam tunel dhe vetëm tunel.
Discussion about this post