Deputeti i Partisë Socialiste, Erion Braçe ka dalë pas disa orësh nga zyra pa logo dhe banera të PS, për të cilën pretendon se është zyra e tij zgjedhore.
Braçe pas daljes ka pasur një sjellje aspak të hijshme ndaj mediave, të cilëve ka refuzuar t’u përgjigjej se për çfarë shërben zyra e paloguar dhe u ka hedhur atyre kokoshka.
“Ishte vetë aty brenda Këllëçi ku r u këqyr vendngjarja. Është këqyrur cep më cep. Belindi prerendonte se kishte lekë këtu brenda. Pas 60 ditësh e gjeni në KQZ. Ju nuk jeni interesuar për 6 milionë euro dhe jeni interesuar për një zyrë pune pas 60 ditësh në KQZ. Prisni rezultatin tanui që ta marrë vesh Belindi me gjithë Belindën.
Janë të gjithë shokët e mi. E gjitha kjo është një përpjekje e një bande kriminale, që është shfaqur edhe pardje, edhe dje, edhe sot në gjithë territorin e Bashkisë së Tiranës, që ka tentuar të mbyllë socialistët në shtëpi, që të mos lejojë aktivitet elektoral. E pyeti zotin Këlliçi, ke ndonjë pretendim që të kam blerë votë të vetme. Jo, Gjithë të mirat. Padijeni është gjë e rëndë shumë. Sot është ditë e diel s’ka punonjës shteti”, u shpreh Braçe.
PRONONCIMI I PLOTË I BRAÇES:
Braçe: Ishte vetë aty brenda kur u kqyr vendngjarja, është këqyrur cep më cep dhe gjeti vetëm këto. Kërkova unë që të hapej kjo sepse Belindi pretendonte se kishte lekë këtu brenda. Kishte lekë…kishte lekë këtu brenda. Ju që nuk jeni interesuar për 6 mln euro po interesoheni për një zyrë pune? Pas 60 ditësh në KQZ ua deklaroj unë nga mëngjesi në darkë. Prisni rezultatin tani që ta marri vesh Belindi dhe gjithë Belindët. A doni ndonjë kështu? *tregon nga kokoshkat
Gazetarët duan përgjigje dhe jo kokoshka?
Braçe: Çfarë përgjigje do ti? Personat brenda janë të gjithë shokët e mi! Është një përpjekje e një bande kriminale, e një grupi të struktruar kriminal që është shfaqur edhe pardje, edhe dje, edhe sot, në të gjithë territorin e Bashkisë Tiranë.
Gazetari: Mos prek me dorë! Po pas kamerave çfarë të bëni ju?
Braçe: Është pjesë e një grupi kriminal që ka tentuar të mbyllë socialistët në shtëpi. E pyetja Belindin ‘a ke ndonjë pretendim që unë ty të kam blerë një votë të vetme?’. Jo më tha për ty nuk ka asgjë. Është ditë e dielë, nuk ka punonjës të shtetit.
Discussion about this post