Pas përplasjeve me përkrahësit e ish-kryeministrit Sali Berisha, sekretari i PD-së, Roland Bejko deklaroi se ky episod është i njëjtë me atë çka i ka ndodhur në 91-shin, kur organizoi një grevë kundër regjimit të Enver Hoxhës. Ai tha i indinjuar para mediave se kjo sjellje është produkt i Berishës.
“Nuk e dija që kishte kaq shumë njerëz, erdha të futëm në seli. Do i drejtohem vetëm Berishës të mbajë njerëzit nën kontroll, këtë ma ka bërë vetëm turma e Enverit. E bëjnë për ata oligarkë të partisë që i kanë shtypur e i kanë mjelur këta. Njerëz që kanë dhënë shumë për PD. Faj ka ai që i ka sjellë këtu, jam befasuar kur pash që më qëlloi njeriu që kam mbajtur me bukë. Ka marrë fund çdo gjë. Kjo që ndodhi tani më ka ndodhur në shkurt të vitit ’91. Ishim duke organizuar grevën e studentëve kundër Enver Hoxhës. Kam qenë organizator. Kur po bënim atë grevë, erdhën mbështetës të Hoxhës dhe na kanë shkelur me këmbë. Ka ardhur turma e enveristëve na ka nxjerrë jashtë kemi që në 90 që luftojmë me këta në krah. Ky është produkt i Sali Berishës dhe paaftësi e menaxhimit e gjithë elitës së PD, që e kanë lënë partinë në këtë situatë,”, tha Bejko.
Më herët, protestuesit e Berishës nuk e kanë lejuar Bejkon të futej brenda dhe as të fliste, ndërsa kanë ndërhyrë dhe mbështetës të Bashës që janë mbledhur në seli për të ndaluar përplasjet.
Discussion about this post