Tensionet në PD, garda merr masa për largimin e Bashës

Situata në Partinë Demokratike sa vjen e po përshkallëzohet pasi përkrahësit e Berishës po tentojnë të hyjnë brenda godinës.

Nga ana tjetër, makina e kryedemokratit Lulzim Basha është parkuar pranë godinës së parlamentit. Vendosja e mjetit të Bashës pranë parlamentit, lë të kuptohet se plani për evakuuimin e tij nga Garda e Shqipërisë, ka nisur, ose çdo skenar është përgatitur për sigurinë e numrit një të opozitës.

Ndërkohë që, Berisha dhe mbështetësit e tij kanë rrethuar godinën dhe po tentojnë me çdo kusht që të futen brenda në zyrën e Bashës.