Janë zbardhur detaje të reja nga ngjarja e regjistruar mesditën e sotme në fshatin Sheqeras të Maliqit, ku një 14-vjeçar plagosi me thikë një të mitur tjetër 16-vjeçar me thikë.
Mësohet se dy adoleshentët janë zënë për motive të dobëta, ndërsa nuk ka qenë hera e parë që konfliktoheshin me njëri-tjetrin. Burime bëjnë me dije se autori i kishte zënë pritë në një rrugicë në hyrje të fshatit Sheqeras dhe e ka goditur 16-vjeçarin me thikë në bark dhe në shpatull.
I mituri është kapur nga Policia, ku është shoqëruar në komisariat dhe ka deklaruar fillimisht se 16-vjeçari e ngacmonte herë pas here me fjalë e ky ka qenë motivi i sherrit.
I plagosur është transportuar për në spitalin e Korçës për të marrë mjekim dhe raportohet se ndodhet jashtë rrezikut për jetën.
Discussion about this post