Përpjekjet e Real Madrid-it për t’u përforcuar me futbollistë të Liverpool-it nuk kanë mbaruar! Pas akordit me Trent Alexander-Arnold, një tjetër emër mund të ikë nga Anfield në “Bernabeu”.
Ai është Ibrahima Konate, kontrata e të cilit përfundon në sezonin e ardhshëm dhe mes palëve bisedimet për rinovim nuk kanë qenë pozitive.
Alexander-Arnold njoftoi largimin e tij pas 20 vitesh në klub, duke argumentuar se kishte dëshirë për të përjetuar një sfidë të re. Kalimi te Reali nuk është zyrtarizuar, por akordi tashmë është arritur.
Tani të kuqtë kanë një ‘ndjenjë të çuditshme’ se Konate mund të bëjë të njëjtën gjë, raporton “Marca”. Konate konfirmoi në Janar se kishte marrë një ofertë për të rinovuar me Liverpool, por u tregua diskret kur u pyet nëse do të rinovonte.
Paraqitjet e 25-vjeçarit në qendër të mbrojtjes kanë qenë mbresëlënëse në këtë sezon dhe nuk solli befasi periudha nga Nëntori deri në nisje të vitit të ri, ku pati më shumë gola të pësuar për shkak të mungesës së tij.
Francezi tani ka kaluar katër sezone në Merseyside dhe ka pasur një rritje të dukshme, duke justifikuar investimin që klubi anglez bëri në 2021 prej 40 mln eurosh, duke e blerë nga Leipzig.
Discussion about this post