Kreu i PD Lulzim Basha deklaroi se personat të cilët tentuan të ngjiteshin në katin e dytë të godinës së PD, nuk ishin protestues por kriminelë. Gjatë fjalës së tij në një komunikim me gazetarët, Basha tha se problemi kryesor në vend është partia shtet e cila u përdor dhe e ka kthyer partin në një instrument të shkeljes së ligjit.
Basha më tej tha se PD do të marrë të gjitha hapat për të hetuar se përse policisë iu desh një orë për të ndaluar skenarin e dhunës.
“Ne kemi bashkëpunuar për zbardhjen e kësaj ngjarje kriminale që ka një autor dhe ai është Sali Berisha. Asgjë nuk e lidh më Berishën me PD. Shkëputja me të ka qenë një proces i dhimbshëm. Tani Berisha për këtë sulm dhe dhunë që frymëzoi i ka me demokracinë me demokratët. Edhe ata që i tolloviti për disa muaj ne do të dimë si t’i bashkojmë. Ndërkohë Edi Rama po investon fort tek Berisha dhe Berisha po mbështet tek Rama, por të dy bashkë thonë të kundërtën e asaj që bëjnë. Ata janë pjesë e grupit non-grata dhe pjesë e kastës që e mbajnë Shqipërinë peng. Shqetësimi im ka qenë demokratët që kujtuan në këto se do të ndryshonte diçka me thirrjen e Berishës”, tha ai.
Discussion about this post