Nëse The Weeknd vijon të thotë që nuk është i lidhur me Angelina Jolie, me siguri po bën shaka me ne. Ndonëse thashethemet për një romancë mes tyre duket sikur janë zbehur kohët e fundit, dyshja janë parë sërish duke darkuar në restorantin ku janë fotografuar për herë të parë në shtator.
Dhe sigurisht nuk mbaron me kaq. Në albumin e tij të ri, “Dawn FM”, The Weeknd këndon disa vargje që duket sikur i ka shkruar 100% për Angelina-n.
“E dashura ime e re, ajo është një yll filmash. Të kam takuar vetëm në ëndrra dikur. Kur isha i vogël dhe vetëm në këtë botë. Ti ishe atje kur unë kisha nevojë të quaja dikë “femrën time” e ndërsa tani je realiteti im”, shkruan ai.
Pra, The Weeknd e ka ëndërruar gjithmonë Angelina-n dhe tani gati nuk i besohet që po del me të. Çdo varg i kësaj kënge duket qartazi e dedikuar ndaj aktores, e cila nuk është përfolur për asnjë romancë që prej 2018-ës, ku pati një histori të shkurtër me një agjent të pronave të patundshme.
Discussion about this post