Omicron po bën kërdinë edhe në vendin tonë, duke qenë se në javën e fundit numri të infektuarve është rritur ndjeshëm. Por, më shumë raste shfaqen në qytetin e Lezhës, urgjenca në këtë vend ka pasur një fluks të lartë këto ditë nga persona, të cilët paraqiten me komplikacione si pasojë e Covid-19 apo mutacioneve të tij.
Bëhet me dije se numri i pacientëve është shtuar së tepërmi sidomos pas festave të fundvitit, gjë kjo që lidhet jo vetëm me hapjen e natës së ndërrimit të viteve, por edhe me mbërritjen e emigrantëve shqiptarë nga jashtë shtetit.
Mjeku i urgjencës së Lezhës, Martin Marku bën me dije se simptomat më të shpeshta janë shenjat e gripit të zakonshëm por edhe të Omicron. Gjithashtu ai i bën apel qytetarëve që fillimisht të marrin medikamente të lehta apo mund të drejtohen edhe tek mjeku i familjes për sim0ptoma që mund të trajtohen edhe në shtëpi për të shmangur fluksin e lartë në urgjencë. Ndër të tjera, mjekët apelojnë që të kenë kujdes të shmangin grumbullimet e panevojshme dhe të përdoret maska.
Me shfaqjen e Omicron dhe sidomos pas festave, me ardhjen e emigrantëve situata e covid-19 në vendin tonë filloi të rëndohej, por ekspertët bëjnë me dije se pas janarit situata do fillojë të qetësohet.
Discussion about this post