Deputetja e PD-së Flutura Açka ka reaguar pas komunikimit të kryeministrit Edi Rama me “demokratët” e thirrur në bashkëbisedim pas protestës së djeshme të ish-kryeministrit Sali Berisha.
Açka shkruan se Rama ka kohë që nuk është më lajm dhe se kërkon të bëhet lajm me demokratët, ndërsa ironizon duke e pyetur se kur do të flasë me patronazhistët.
“Demokratët do t’i zgjidhin vetë hallet e tyre, pavarësisht hunjve, zjarrit, cianurit (figurativë) që u hedh ti me të gjitha mënyrën e tua tinëzare. Dhe sa për fjalime që po bën nga kali i shaluar, me fjalorin tënd vulgar permanent, dikush është mirë të ta thotë qartë: Demokratëve nuk iu ha fare Edi për Edin, madje as shqiptarëve. Sepse, ti rri i krekosur në pushtet me vota të grabitura si në asnjë demokraci të vërtetë në botë. Meqë ra fjala, me patronazhistët kur do të bashkëbisedosh?”, shkruan Açka.
Më herët, në një komunikim online nga Kryeministria, Rama e konsideroi si ngjarje të rëndë degradimin e protestës në dhunë, ndërsa shtoi se vendi nuk ka më opozitë.
Discussion about this post