Xabi Alonso i kërkon Real Madridit të mos e nënvlerësojë Juventusin

Trajneri i Real Madridit, Xabi Alonso, u ka bërë thirrje lojtarëve të tij që të mos e nënvlerësojnë Juventusin, ndërsa të dyja skuadrat po përgatiten të përballen në fazën e 1/16-ës së Kupës së Botës për Klube.

Të dy ekipet kaluan lehtësisht fazën e grupeve, Real Madrid e përfundoi grupin në vendin e parë me shtatë pikë, ndërsa Juventusi u rendit i dyti në grupin e tij me gjashtë pikë. 

“Rezultati kundër (Manchester) City nuk ka rëndësi, ata kanë një skuadër të madhe dhe do të jetë shumë e vështirë”, ka thënë Alonso për Tuttosport. 

Alonso është i vetëdijshëm për rrezikun që paraqet ‘Zonja e Vjetër’.  

“Kur kalon fazën e grupeve, çdo ndeshje është si një finale. Juve është Juve, ata janë një klub historik në Evropë”. 

Disponueshmëria e Kylian Mbappe mund të jetë vendimtare, me lojtarin ende në dyshim pas rikuperimit nga një problem në stomak. 

Mbappe ishte vendimtar për Real Madridin sezonin e kaluar pas transferimit nga PSG, duke shënuar 31 gola dhe dhënë tre asistime në 34 ndeshje të La Ligës. 

gijotina.com/