Bayern Munich ka shënuar fitore me rezultat 4-2 ndaj Flamengos, për të siguruar kualifikimin në çerekfinale të Kupës së Botës për Klube.
Bavarezët kaluan në avantazh në minutën e gjashtë, falë një autogoli të Erick Pulgar i cili shënoi në portën e tij për rezultatin 1-0.
Flamengo ia doli të rikthehet në lojë në minutën e 33-të, me Gerson që shënoi një gol të bukur për të ngushtuar shifrat në 2-1.
Megjithatë, pak minuta para përfundimit të pjesës së parë, Leon Goretzka (41’) realizoi nga distanca për 3-1.
Në pjesën e dytë brazilianët e gjetën edhe golin e dytë, falë Jorginhos i cili realizoi në minutën e 55-të nga penallta për 3-2.
Për t’i dhënë fund shpresave të Flamengos u përkujdes Kane, i cili realizoi golin e tij të dytë dhe të katërtin për Bayernin në minutën e 74-të (4-2).
Me këtë fitore Bayern ka siguruar kalimin në çerekfinale, ku do të takohet me Paris Saint-Germain.
Discussion about this post