Kush ka faj për ndërtimet pa leje? Vetëm ata që paguhen për këtë punë s’kanë faj

Nga Lutfi Dervishi

Kush është fajtori për ndërtimet pa leje në Theth?

Kryeministri Rama , denoncoi skandalin e prokurores “Gjeli”, paralajmëroi ndëshkim e saj, e quajti të padenjë për t’u paguar nga paratë e taksapaguesve dhe ndërkohë harron disa detaje të vogla:

Në Theth, pushteti lokal është i së majtës.

Në Shkodër, inspektoriatet raportojnë te qeveria.

Në qeveri, ministrat i ka zgjedhur Kryeministri.

Policia po nën hyqem të qeverise.

OSHE dhe Ujësjellësi – janë ente qeveritare.

Kush e ka faji?

Prokuroria, natyrisht… sepse është e vetmja hallkë që nuk është formalisht nën zap. Prokuroria duhet përdorur si qiri në altar, sa herë të duhet për “lajm”.

Thethi, si çdo vend tjetër, nuk ka nevojë për “magji”, ka nevojë për një qeveri që duhet të kujtohet se është përgjegjëse, jo vetëm kur poston foto dhe video në Facebook.

Thethi s’ka problem me prokurorët, ka problem, (dhe nuk është i vetmi) me qeverisjen dhe modelin e filmave aksion.

Fajin e ka prokuroria por vetëm nëse nuk heton policinë që i raporton me shkrim se nuk është përdorur beton në Theth.

Dhe për më tepër “investitori” është person në kërkim nga SPAK?!

Por me shumë se prokuroria faj ka opozita, faj ka edhe shoqëria civile që nuk e ngre zërin dhe padyshim ka faj edhe populli.

Të gjithë kanë faj. Vetëm ata që paguhen për këtë punë nuk kanë faj.