Një qytetar ka ngritur publikisht shqetësimin e tij ndaj shërbimit të kompanisë postare TNT Post dhe subjektit MEGATEK, pas një përvoje të hidhur me një porosi të bërë online. Sipas tij, porosia ka mbërritur e hapur dhe e dëmtuar në Lushnje, më datë 11, dhe askush nuk pranon përgjegjësinë.
“Postieri më tha që kështu ka ardhur nga Tirana. Tani kush e ka fajin, TNT Post apo MEGATEK? Asnjë nuk është korrekt”, thotë ai e revoltuar.
Qytetari pretendon se dëmi ekonomik ka shkuar në 266 mijë lekë, përveç 4 ditëve të humbura nga puna, pasi kishte marrë leje për të lyer shtëpinë me bojën nga MEGATEK.
“Turp! Menaxherja më kontaktoi dhe më tha që nuk t’i kthejmë dot. Vjedhje e pastër!”, përfundon qytetari në denoncimin e tij.
DENONCIMI I PLOTË
“Përshendetje JOQ
E gjithë porosia ka ardhur e hapur. Postieri më tha që kështu ka ardhur nga Tirana. Tani kush e ka fajin, TNT Post apo MEGATEK? Asnjë nuk është korrekt.
Më datë 11 në Lushnje ka qenë porosia. I keni të gjitha provat me foto. Edhe nga Temu po të blesh, kur të vjen produkti i dëmtuar, ta marrin mbrapsht, kurse këta as nuk e pranojnë që është faji i tyre. Më ikën 266 mijë lekë dëm, plus 4 ditë punë, se mora leje për të lyer shtëpinë. Turp.
Postieri ma konfirmoi që porosia ka ardhur kështu. Menaxherja më kontaktoi dhe më tha që nuk t’i kthejmë dot. Vjedhje.”
/JOQ/
Discussion about this post