Policia e Vlorës ka reaguar për plagosjen e një 25-vjeçari në qytetin bregdetar mbrëmjen e sotme.
‘Blutë’ bëjnë më dije se gjatë një konflikti për motive të dobëta, 24-vjeçari Shkëmbor Skënderaj ka qëlluar me thikë Marget Shakaj, i cili ndodhet në spital jashtë rrezikut për jetën.
“Sot, rreth orës 19:00, në lagjen “Isa Boletini”, në një berberhanë, dyshohet se gjatë një konflikti për motive të dobëta, shtetasi Sh. S., 24 vjeç, ka plagosur me mjet prerës (thikë) shtetasin M. Sh., 25 vjeç, i cili ndodhet në spital, jashtë rrezikut për jetën.
Vijon puna për kapjen e autorit të dyshuar, i cili është shpallur në kërkim menjëherë pas ngjarjes”, thuhet një policisë.
Ndërsa mediat bëjnë me dije se ka patur një konflikt në një berberhane në Vlorë, pas konfliktit me fjalë mes një klienti dhe kursantit në këtë berberhane.
Pas fjalëve, klienti ka qënë ai që ka goditur me thikë kursantin në orarin e tij të punës dhe është larguar.
Konflikti mund të ketë qënë i mbartur edhe nga ditë më parë, por këtë herë autori ka ardhur i pajisur me thikë për të kryer plagosjen.
Ndërkohë Policia ka identifikuar autorin, shtetasin Shkëmbor Skënderaj dhe po vijon punën për arrestimin e tij.
Discussion about this post