Horoskopi, e mërkurë, 6 Gusht 2025
Dashi
Keni energjinë e duhur për të “çarë botën”, por ndaluni për pak dhe bëni rregull në mendimet tuaja. Jo çdo gjë zgjidhet me pasion apo vrull, ndonjëherë është e nevojshme të mendoni me gjakftohtësi. Në punë do të merrni shpejt një konfirmim që do t’ju japë shtysën e duhur. Në dashuri shmangni debatet e ashpra, loja fitohet me dialog!
Demi
Tregoni anën tuaj praktike dhe përballuni me atë çështje ekonomike që ju shqetëson. Nuk është koha për blerje impulsive, ecni me kujdes. Nëse ka pasur ftohje me dikë të veçantë, ka shanse për të rikuperuar marrëdhënien, por kjo kërkon qetësi dhe zemër të hapur.
Binjakët
Mjaft i mbajtët idetë tuaja në sirtar! Është momenti për t’i propozuar dhe për të rënë në sy. Keni fjalët e duhura dhe njerëzit po ju dëgjojnë, pse të mos guxoni? Në dashuri, dikush mund t’ju surprizojë me një gjest të pazakontë: mbani sytë hapur dhe hapni zemrën pa ngurrim.
Gaforrja
Bëni qartësi me veten pa u rënduar nga pendesa të vjetra. Jeni mes asaj që dëshironi dhe asaj që keni frikë të humbni. Është koha për të marrë vendime të vërteta për veten tuaj. Mos kini frikë të ndryshoni drejtim, nëse zemra jua kërkon.
Luani
Energjia juaj është e fuqishme, por shmangni dëshirën për të bërë gjithçka vetë ose për të dominuar me çdo kusht. Në punë, duhet më shumë përulësi dhe më pak ego, përndryshe mund të kthehet kundër jush. Në dashuri, ata që kërkojnë ndjenja të vërteta do të përjetojnë surpriza që ngrohin zemrën, edhe pa i kërkuar shumë.
Virgjëresha
Koka juaj është si radar sot, kapni probleme që të tjerëve u shpëtojnë, dhe që ndoshta nuk janë aq të vogla sa duken. Përdorni këtë aftësi për të rifreskuar kontakte të vjetra që mund të ju hapin rrugë të reja. Në dashuri nuk ka rëndësi sa kohë kaloni bashkë, por si e jetoni atë kohë, synoni cilësinë!
Peshorja
Së pari dëgjoni, pastaj flisni, ky është parimi që duhet të ndiqni këtë gjysmën e dytë të javës. Një bashkëpunim është në zhvillim dhe detajet e vogla mund të bëjnë diferencën. Në dashuri, bëni qartësi me veten: mos e ngatërroni pasigurinë tuaj të përhershme me mungesën e ndjenjës.
Akrepi
Ndiqni instinktin (që rrallë ju tradhton), një ndjesi do t’ju tregojë rrugën e duhur, veçanërisht nëse jeni duke menduar për një ndryshim. Në dashuri, hiqni dorë nga kontrolli i tepërt: ai që ju do, dëshiron t’ju shohë siç jeni, jo të përsosur apo të ngrirë emocionalisht. Shfaqni veten pa frikë.
Shigjetari
Dëshira për të ikur dhe për të bërë vetëm atë që ju pëlqen është legjitime, por më parë duhet të zgjidhni disa përgjegjësi që po ju ndjekin. Organizohuni mirë dhe në fund të ditës do të shijoni lirinë ashtu siç ju pëlqen. Kujdes me gjykimet e nxituara në çift.
Bricjapi
Po e tendosni shumë litarin në punë, edhe pse në fakt keni nevojë për frymëmarrje. Jepini vetes një hapësirë tuajën, qoftë edhe të shkurtër, një pushim të shenjtë. Në dashuri, nëse jeni në çift, rizbuloni ato gjeste të vogla që krijojnë ndjesinë e afërsisë dhe të përputhjes.
Ujori
Keni ide të çuditshme por gjeniale, përdorini pa frikë sepse ky është një moment i mirë astrologjik. Do të ketë nga ata që do të mahniten nga origjinaliteti juaj. Në dashuri, tregoni veten ashtu siç jeni, me të gjitha dobësitë: kjo do të jetë arma juaj më e fortë.
Peshqit
Këtë javë mund të rikthehet një ndjenjë që e mendonit të mbyllur. Mos e shtypni atë që ndjeni, do të ishte më mirë ta shprehni. Në punë, besoni te ata që tashmë kanë treguar se janë të ndershëm dhe nuk do t’ju tradhtojnë.
Discussion about this post