Një skandal i vërtetë është regjistruar në ndeshjen kualifikuese të Champions League në stadiumin e qytetit Poznan, në Poloni, ku tifozët vendas shpalosën një baner me mbishkrimin provokues: “Kosova është Serbi”.
Ky veprim ka ngjallur reagime të shumta, sidomos duke marrë parasysh se bëhej fjalë për një ndeshje të këtij niveli, ku pritet që sporti të mbetet jashtë çdo lloj propagande politike apo provokimi etnik.
Ndërkohë, klubi serb Crvena Zvezda ka reaguar publikisht duke falënderuar Lech Poznan për banerin, duke e bërë situatën edhe më të tensionuar.
Rasti ka sjellë sërish në vëmendje nevojën për ndërhyrje të ashpër nga organizmat ndërkombëtarë të futbollit, pasi kjo nuk është hera e parë që stadiumet evropiane kthehen në skena të provokimeve politike, duke njollosur imazhin e sportit dhe futbollit në veçanti.
Autoritetet sportive pritet të marrin masa dhe të hetojnë incidentin, ndërkohë që reagimet nga tifozët, federatat dhe figura publike kanë qenë të shumta në rrjetet sociale. Tifozët polakë me sa duket nuk e dinë se Polonia e ka njohur Republikën e Kosovës!
gijotina.com/
Discussion about this post