Banorët e një godine në bulevardin e Durrësit, lagja 11, kanë ngritur një shqetësim të madh për bllokimin e hapësirës publike nga dy lokale në zonë, të cilat janë hapur pa respektuar rregullat. Sipas banorëve, pas disa ankesave të bëra tek autoritetet përkatëse, nuk është ndërmarrë asnjë masë për të zgjidhur situatën, pasi lokalet administrohen nga Roni Shqopa, Drejtori i Taksave në Bashkinë e Durrësit, një person me pozita të larta që duket se shkel ligjin.
Shqopa nuk pyet për urdhrin e Kryeministrit Edi Rama, i cili ka kërkuar lirimin e hapësirave publike. Pavarësisht udhëzimeve të qeverisë, Shqopa ka shkelur për herë të fundit këto urdhra, duke përdorur pozitat e tij për të favorizuar bizneset private në dëm të interesit publik. Banorët e shqetësuar kërkojnë ndërhyrjen urgjente të institucioneve dhe bëjnë thirrje për zbatimin e ligjit pa dallim, pasi situata ka përkeqësuar ndjeshëm cilësinë e jetës për qytetarët dhe fëmijët që jetojnë në këtë zonë.
Denoncimi i mbërritur në redaksi:
Përshëndetje JOQ, jam një banore e kësaj godine në bulevard të Durrësit, lagja 11. Kemi një shqetësim si banorë të pallatit, si nënë, nga bllokimi i hapësirës publike nga dy lokalet në zonë, ku pas ankesave të bëra, asnjë nuk merr masë, sepse lokalin e administron Drejtori i Taksave në Bashkinë e Durrësit, Roni Shqopa! Ju lutem, nëse e shikoni të arsyeshme, publikojeni dhe ju lutemi anonim, sepse kemi fëmijë!
/JOQ/
Discussion about this post