Ish-deputeti i PD-së, Ervin Salianji ka reaguar ndaj represionit të Ardi Veliut ndaj News 24, Gazeta Panorama, BalkanWeb dhe Gazeta Shqiptare, duke u shprehur se ai është një analfabet i katapultuar në krye të disa institucioneve.
“Ardi Veliu është prototipi i njeriut antiligj – një ushtar i bindur i pushtetit, analfabet i katapultuar në krye të disa institucioneve, i përdorur për të mbajtur lidhjet me krimin, për të sajuar dëshmitarë të rremë dhe për të shkelur ligjin sa herë kërkohet mbrojtja e të korruptuarve në majë të shtetit. Nga dosjet që e lidhin me grupet kriminale te dhuna mbi qytetarët dhe manipulimi i ngjarjeve, karriera e tij është një manual i shkatërrimit të shtetit ligjor”, thekson Salianji.
Ai shtoi se Ardi Veliu, duke drejtuar operacionin për mbylljen e News24, “ka veshur hapur rolin e censorit dhe frikësuesit të medias”.
Salianji u shpreh se ky është sulm frontal ndaj fjalës së lirë dhe provë e qartë se pushteti është gati të përdorë çdo vegël të errët për të heshtur zërat e pavarur.
Discussion about this post