Në një intervistë për “Sky Sport”, ish-trajneri i njohur Fabio Capello dha mendimin e tij për sezonin e ri të Serisë A, duke analizuar lëvizjet në merkato dhe shanset e ekipeve kryesore.
Për ardhjen e Gasperinit te Roma, Capello u shpreh: “Ka ide të qarta, kërkon të rinj dhe dëshiron të krijojë. Është një gjë e bukur për t’i dhënë frymë të re klubit. Ai nuk kënaqet me pak dhe besoj se do të bëjë shumë mirë.”
Në lidhje me mundësinë që Rasmus Hojlund të kalojë te Milani, Capello tha: “E njoh mirë, ka bërë gjëra të bukura te Manchester United, edhe pse pati një periudhë të vështirë. Mosha dhe një trajner si Allegri mund t’i japin shumë këtij lojtari.”
Për Juventusin, ish-tekniku italian u tregua i rezervuar: “Është një kantier i hapur. Duhet të rikuperojë burimet e shpenzuara vitin e kaluar për t’i investuar tani. Është herët për ta gjykuar.”
Sa i përket Napolit dhe Interit, Capello vlerësoi lëvizjet në merkato: “E vetmja skuadër që ka vepruar me aftësi ka qenë Napoli. Ideja e Interit për të marrë Lookman është interesante. Për mua, në letër, këto dy ekipe do të luftojnë më shumë për titullin.”
Discussion about this post